LDK nderon Xhemail Mustafën: U vra tinëz dhe rasti nuk u zbardh kurrë (Foto)

Kryesia e Lidhjes Demokratike të Kosovës sot ka nderuar veprën e veprimtarit Xhemail Mustafa me rastin e 19 vjetorit të vrasjes së tij në varrezat e Gllamnikut në Podujevë.

Në emër të partisë foli Lutfi Haziri i cili vrasjen e tij e quajti tinëzare.

“E rëndë është që sot 19 vjet aktivisti unë u vra në mënyrë tinëzare dhe sistemi i drejtësisë nuk e zbardhi këtë rast”, tha Haziri.

Ndërsa, në emër të familjes foli vajza e veprimtarit, Berjana Mustafa, e cila tha se familja e saj është e zhgënjyer në institucionet e vendit për mosndriçimin e vrasjes së babait të saj.

Ajo gjithashtu tha se rasti ka shkuar në Gjykatën Speciale ku edhe shpreson që ky institucion do ta dënojë vrasjen dhe nëse nuk ndodh atëherë zhgënjimi i tyre do të rritet.